पुणे : जंगलातून वाट चुकून शहरात आलेल्या रानगवाचा दुर्देवी मृत्यु
पुणे (तेज समाचार डेस्क). कोथरुडमधील महात्मा सोसायटीत घुसलेल्या गव्याला पकडण्यात अखेर यश आलं आहे. वनविभागाने दोन इंजेक्शन देण्यात आले होते. यानंतर गव्यावर जाळी टाकून गव्याला पकडण्यात आले आहे. वनविभागाच्या कर्मचाऱ्यांनी पोलिस व अग्निशमन दलाच्या मदतीने रानगव्याला पकडण्यात यश आले आहे. सोसायटीच्या पार्किंगमध्ये हा रानगवा घुसला होता. रानगव्याला जेरबंद करण्यासाठी इंजेक्शन देण्यात आले होते. तरीहीगवा नियंत्रणात येत नव्हता. अखेर दोरखंडाच्या सहाय्याने गव्याला जेरबंद करण्यात आले.
सोसायटीत गवा घुसल्याचे वृत्त समोर येताच परिसरातील नागरिकांना एकच गर्दी केली होती. इतक्या मोठ्या प्रमाणात गर्दी पाहताच रानगवा बिथरला होता. रानगवा बिथरल्याने त्याला अनेक जखमा झाल्या होत्या. त्यामुळे त्याला जेरबंद करणे वनविभागास अपयश येत होते. अखेर सहा तासांच्या थरारानंतर गव्याला जेरबंद करण्यास वनविभागाला यश आले आहे.
पुण्यात सकाळच्या सुमारास गवा घुसला असून, त्याला बघण्यासाठी नागरिकांची मोठी गर्दी जमली होती. वाट चुकलेला गवा महात्मा सोसायटीच्या परिसरात सुरुवातीला दिसून आला. कुत्र्यांच्या हल्ल्यात हा गवा जखमी झाला असून, वनविभाग आणि महापालिकेचे पथकाने रेस्क्यू ऑपरेशन हाती घेतले आहे.
वाट चुकलेला गवा पुण्यातील महात्मा सोसायटीच्या परिसरात दिसून आला. कुत्र्यांनी त्याच्यावर हल्ला चढवला होता. यात तो जखमी झाला आहे. जखमी अवस्थेतील गव्याला वाचवण्यासाठी वनविभागाचे पथक आणि महापालिकेचे पथक तातडीने महात्मा सोसायटीच्या परिसरात पोहोचले. गव्याला पकडण्यासाठी शर्थीच्या प्रयत्न सुरू आहेत. सोसायटीतील दोन बंगल्यांमधील मोकळ्या जागेत तो दिसला. त्यापूर्वी गव्याने बंगल्यांचे गेट देखील तोडले आहेत. गव्याला बेशुद्ध करण्यासाठी पथकातील कर्मचारी प्रयत्नशील आहेत. क्रेनदेखील मागवण्यात आली आहे. दरम्यान, या गव्याला पाहण्यासाठी नागरिकांची मोठी गर्दी झाली आहे.महात्मा सोसायटी परिसरातील बंगल्यांचे गेट तोडल्यानंतर मोकळ्या जागेत गवा पोहोचला. तेथून बाहेर पडण्यासाठी त्याची धडपड सुरू होती. यात गवा जखमी झाला आहे. वनविभागाचे पथक त्याला पकडण्याच्या तयारीत होते. कर्मचाऱ्यांची धावपळ सुरू असतानाच, काही कळण्याच्या आत गवा पसार झाला. तो वृंदावन सोसायटीकडे गेला आहे.
तब्बल तीन तासांच्या प्रयत्नानंतर रानगवा कोथरूडमधील पौड रस्त्यावरील भारतीनगर सोसायटी ऋतुगंध बंगला परिसरात जाळ्यात अडकला आणि भुलीच्या इंजेक्शनमुळे बेशुध्द पडला. त्यानंतर, वन विभागाने त्यास गाडीतून नेले, पण काही वेळातंच त्याने आपला जीव सोडला.
