जम्बो कोव्हिड सेंटरमध्ये एका महिला डॉक्टरचा विनयभंग

Featured मुंबई
Share This:

मुंबई (तेज समाचार डेस्क): पुण्यातील जम्बो कोव्हिड सेंटरमध्ये एका महिला डॉक्टरचा विनयभंग झाल्याची घडली आहे. या प्रकरणी दोन डॉक्टरांवर गुन्हा दाखल करण्यात आला आहे. पुण्यातील शिवाजीनगर पोलीस ठाण्यात याबाबत तक्रार दाखल करण्यात आली आहे. मात्र अद्याप याप्रकरणी कोणालाही अटक करण्यात आलेली नाही.

रुग्णांची हेळसांड, बेडची कमतरता, व्हेंटिलेटर इत्यादी गोष्टींमुळे पुण्यातील जम्बो कोव्हिड सेंटर वादच्या भोवऱ्यात अडकलं होतं. याच जम्बो कोव्हिड सेंटरमध्ये एका 25 वर्षीय महिला डॉक्टरचा विनयभंग झाल्याचा धक्कादायक प्रकार उघडकीस आला आहे. या ठिकाणच्या दोन डॉक्टरांनी या महिला डॉक्टराचा विनयभंग केल्याचं समोर आलं आहे.

योगेश भद्रा आणि अजय बागलकोट अशी विनयभंग करण्या दोन्ही डॉक्टरची नावं आहे. गेल्या एका महिन्यापासून हे दोन्ही डॉक्टर त्या महिलेला उद्देशून अश्लील बोलत होते. काही दिवस त्या महिलेने त्याकडे दुर्लक्ष केले. मात्र त्यानंतर त्या दोघांनी तिला जास्त प्रमाणात त्रास देण्यास सुरुवात केली.

यामुळे अखेर त्या महिला डॉक्टरने दोघांविरुद्ध विनयभंग केल्याप्रकरणी तक्रार दाखल केली आहे. याप्रकरणी शिवाजीनगर पोलीस ठाण्यात दोन डॉक्टरांविरुद्ध गुन्हा दाखल करण्यात आला आहे. या डॉक्टरांची नेमणूक एका खासगी एजन्सीमार्फत करण्यात आली होती. दरम्यान अद्याप पोलिसांनी याप्रकरणी कोणतीही कारवाई केलेली नाही.

Share This:

Leave a Reply

Your email address will not be published. Required fields are marked *