ईडीच्या रडारवर अनिल देशमुख यांचा मुलगा सलील, 300 कोटींच्या जमीन करार प्रकरणी चौकशी सुरू

मुंबई  (तेज समाचार डेस्क): माजी गृहमंत्री अनिल देशमुख (Anil Deshmukh) यांच्यावर मुंबईचे माजी पोलीस आयुक्त परमबीर सिंग (Parambir Singh) यांनी केलेल्या 100 कोटी रुपयांच्या कथित वसुलीप्रकरणी सीबीआयने देशमुखांच्या विरोधात गुन्हा दाखल केला आहे. याशिवाय याप्रकरणी ईडीची देखील चौकशी सुरु आहे. या प्रकरणातील सर्व घडामोडी आता वेगाने घडताना दिसत आहेत. या घडामोडी सुरु असतानाच आता देशमुख यांच्या अडचणीत वाढ होणार आहे . ईडीच्या रडारवर आता अनिल देशमुख यांचा मुलगा सलील देशमुख (Salil Deshmukh) असून त्यांची 300 कोटींच्या जमीन करार प्रकरणी चौकशी सुरू झाली आहे . (Rs 300 crore land bought by Anil Deshmukh’s son)

महाराष्ट्रातील माजी गृहमंत्री अनिल देशमुख यांचा मुलगा सलील देशमुख यांनी खरेदी केलेल्या १५ भूखंडांची अंमलबजावणी संचालनालय (ईडी) चौकशी करीत आहे. टाईम्स ऑफ इंडियाच्या कागदपत्रांनुसार हे भूखंड प्रीमियर पोर्ट लिंक्स प्रायव्हेट लिमिटेडच्या नावे खरेदी केले गेले होते, ज्यात सलिल देशमुख यांची नियंत्रित भागीदारी आहे.एनएच 348 पलास्पे फाटा ते जेएनपीटी ते थोड्या अंतरावर 8.3 एकर जमीन आहे. या पैकी एक तुकडा जमीन स्वातंत्र्यसैनिकांच्या कुटुंबाकडून खरेदी करण्यात आला.

ईडीच्या सूत्रांनी खुलासा केला आहे की सलीलचे या कंपनीत नियंत्रण आहे. तथापि, यासंदर्भात अनिल देशमुख यांना पाठविलेले ईमेल व मजकूर संदेशास कोणताही प्रतिसाद मिळाला नाही. टीओआयकडे उपलब्ध असलेल्या नोंदीनुसार हे जमीन व्यवहार 2006 ते 2015 दरम्यान झाले.