धुळे : चालक व साथीदाराने 38 लाखांचा माल केला लंपास
धुळे (तेज समाचार डेस्क): मुंबई येथून नागपूरच्या दिशेने ट्रकद्वारा सिगारेटचे कार्टुन घेऊन निघालेल्या ट्रक चालकाने संबंधित एजन्सीला माल पोचता न करता धुळे शहरानजीक एका ढाब्यावर ट्रकमधील माल उतरवत पोबारा केला आहे. याप्रकरणी न्यायालयाच्या आदेशान्वये दोन जणांविरूद्ध गुन्हा दाखल करण्यात आला आहे. संशयित चालक व त्याच्या साथीदाराने तब्बल ३८ लाखांचा माल लंपास केला आहे. ट्रक मालकाने या दोघांविरूद्ध फिर्याद दाखल केली आहे. फिरोज अयुब खान रा.कल्हेरभिवंडी यांनी याप्रकरणी फिर्याद दिली आहे. पुढील तपास पोलीस करीत आहेत.
