धरणगाव : कोरोना पॉझिटीव्ह महिला व्हेंटीलेटरवर
धरणगाव (तेज समाचार प्रतिनिधी ): शहरातील कोरोना पॉझिटीव्ह वृद्ध महिलेची प्रकृती चिंताजनक असून तिला व्हेंटीलेटरवर ठेवण्यात आले असल्याची माहिती शासकीय वैद्यकीय महाविद्यालयाचे अधिष्ठाता डॉ. भास्करराव खैरे यांनी दिली आहे.
आज सकाळी या महिलेची प्रकृती चिंताजनक झाली. त्यामुळे तिला व्हेंटीलेटरवर ठेवण्यात आले आहे. दरम्यान, कोरोना बाधित महिलेचा स्वॅब सँपल १३ तारखेला घेण्यात आल्याची माहिती कळतेय. प्रशासनाने रात्रीच संबंधित परिसर सील करत अत्यावश्यक सेवा वगळता येथे नागरिकांना बाहेर पडण्यासाठी बंदी घातली आहे.
धरणगावातील वृध्द महिलेवर कोविड रूग्णालयात उपचार सुरू असून तिच्या संपर्कातील लोकांना आवश्यकतेनुसार क्वॉरंटाईन करण्यात येणार आहे. अगदी गरज भासल्यास काहींची स्वॅब चाचणी घेण्यात येणार असल्याची माहिती प्रशासकीय सूत्रांनी दिली आहे. शहरातील परिस्थितीवर पालकमंत्री गुलाबराव पाटील, शिवसेना जिल्हाप्रमुख गुलाबराव वाघ, लोकनियुक्त नगराध्यक्ष निलेश चौधरी, शिवसेना गटनेते पप्पू भावे, नगरसेवक विलास महाजन हे लक्ष ठेवून आहेत.
